Neidio i’r prif gynnwys
Gwneud cais am basbort

Beta Mae hwn yn wasanaeth newydd – bydd eich adborth (yn agor mewn tab newydd) yn ein helpu ni i’w wella.

Cadarnhau hunaniaeth rhywun

Pwy all gadarnhau hunaniaeth rhywun

Ar gyfer rhai ceisiadau, mae Swyddfa Basbort EF angen rhywun i gadarnhau hunaniaeth yr ymgeisydd. Mae hyn yn helpu i ddiogelu eu hunaniaeth a gwirio bod y cais yn perthyn i’r person cywir.

Er mwyn cadarnhau hunaniaeth rhywun ar-lein, mae angen i chi:

  • fod yn 18 oed neu’n hŷn
  • a gweithio yn neu wedi ymddeol o broffesiwn cydnabyddedig

Rhaid i chi hefyd fod naill ai:

  • yn ddeiliad pasbort y DU yn byw yn y DU – os yw’r ymgeisydd yn byw yn ac yn gwneud cais o’r DU
  • yn ddeiliad pasbort cyfredol o’r DU, Gwyddelig neu UE, UD neu Gymanwlad arall – os yw’r ymgeisydd yn byw yn ac yn gwneud cais o’r tu allan i’r DU

Os nad ydych yn ddeiliad pasbort y DU neu un Gwyddelig bydd yn cymryd mwy o amser i ni brosesu’r cais.

Bydd angen eich bod wedi adnabod yr ymgeisydd, neu’r person sy’n gwneud y cais, yn bersonol ers o leiaf 2 flynedd – er enghraifft fel ffrind, cymydog neu gydweithiwr.

Ni ddylech fod yn perthyn, mewn perthynas, neu’n byw yn yr un cyfeiriad â’r ymgeisydd neu’r person sy’n gwneud y cais.

Proffesiynau cydnabyddedig

Rhaid eich bod yn gweithio mewn proffesiwn cydnabyddedig neu wedi ymddeol o un ac yn adnabod yr ymgeisydd yn bersonol.

Mae enghreifftiau o broffesiynau cydnabyddedig yn cynnwys:

  • cyfrifydd
  • peilot cwmni hedfan
  • clerc erthyglog mewn cwmni cyfyngedig
  • asiant sicrwydd mewn cwmni cydnabyddedig
  • swyddog banc neu gymdeithas adeiladu
  • bargyfreithiwr
  • cadeirydd neu gyfarwyddwr cwmni cyfyngedig
  • ciropodydd
  • comisiynydd llwon
  • cynghorydd - lleol neu sirol
  • gwas sifil - parhaol
  • deintydd
  • cyfarwyddwr, rheolwr neu swyddog personél cwmni sydd wedi cofrestru i dalu TAW
  • peiriannydd gyda chymwysterau proffesiynol
  • canolwr gwasanaethau ariannol, er enghraifft brocer stoc neu yswiriant
  • swyddog yn y gwasanaeth tân
  • cyfarwyddwr angladdau
  • asiant yswiriant mewn cwmni cydnabyddedig - amser llawn
  • newyddiadurwr
  • Ynad Heddwch
  • ysgrifennydd cyfreithiol - cymrawd neu aelod cyswllt yn y Sefydliad Ysgrifenyddion a Chynorthwywyr Cyfreithiol
  • trwyddedai tŷ tafarn
  • swyddog llywodraeth leol
  • rheolwr neu swyddog personél cwmni cyfyngedig
  • aelod, aelod cyswllt neu gymrawd corff proffesiynol
  • Aelod Seneddol
  • Swyddog yn y Llynges Fasnachol
  • gweinidog crefydd gydnabyddedig yn cynnwys Seientiaeth Gristnogol
  • nyrs - cofrestredig
  • swyddog yn y lluoedd arfog
  • optegydd
  • paragyfreithiwr - ardystiedig, cymwysedig neu aelod cyswllt o Sefydliad y Paragyfreithwyr
  • unigolyn gydag anrhydedd - OBE neu MBE
  • fferyllydd
  • ffotograffydd - proffesiynol
  • swyddog heddlu
  • Swyddog yn Swyddfa’r Post
  • llywydd neu ysgrifennydd sefydliad cydnabyddedig
  • Swyddog Byddin yr Iachawdwriaeth
  • gweithiwr cymdeithasol
  • cyfreithiwr
  • syrfëwr
  • athro neu ddarlithydd
  • swyddog undeb llafur
  • asiant teithio - cymwysedig
  • prisiwr neu arwerthwr - cymrawd neu aelod cyswllt yn y gymdeithas gorfforedig
  • Swyddog Gwarant neu Brif Is-Swyddog

Proffesiynau na dderbynnir

Ni allwch gadarnhau hunaniaeth rhywun os ydych:

  • yn feddyg, oni bai eich bod yn datgan eich bod yn adnabod yr ymgeisydd yn dda (er enghraifft mae’n ffrind da) a’ch bod yn ei adnabod yn hawdd o’i lun
  • gweithio i Swyddfa Basbort EF
  • yn gweithio yn Adran Fisâu a Mewnfudo y DU ac yn ymwneud â cheisiadau am ddinasyddiaeth Brydeinig neu’r hawl i fyw’n barhaol yn y Deyrnas Unedig